Санхүүгийн функцууд буюу /Financial Functions/

Экселийн санхүүгийн функцүүдийг ашиглаж сурахын тулд дараах жишээг авъя. Жилийн 6 хувийн хүүтэй, 20 жилийн хугацаатай 150,000 долларын зээл авсан гэж үзье. Зээлийн ирээдүйн үнэ цэнэ 0.

Сар бүр зээлийн хүүг төлөх тул нэг сард ногдох хүү 6% / 12 = 0.5%, зээлийн эргэн төлөлтийн нийт хугацаа 20*12 = 240 сар буюу Nper гэе. Хэрэв энэ зээлийг жилээр төлдөг гэж үзвэл хүү 6%, Nper 20 болно.

Pmt

А2 нүдийг сонгоод PMT функцийг оруулна.

Тэмдэглэл: Дээрх функцийн сүүлийн хоёр аргумент заавал оруулах албагүй. Зээлийн хувьд “Fv” -ийг хасч болно (зээлийн ирээдүйн үнэ цэнэ 0 -тэй тэнцүү. Гэвч энд тодруулга хийхийн тулд оруулсан болно). Хэрэв “Type” -г орхивол төлбөрийг тухайн хугацааны эцэст төлөх ёстой гэж үзнэ.

Үр дүн: Сарын төлбөр 1,074.65 доллар гарч байна.

Зөвлөгөө: Эксел -д санхүүгийн функцуудтай ажиллах үедээ дараах зүйлсийг үргэлж анхаараарай. Та зарлага (сөрөг) гаргаж байна уу эсвэл орлого (эерэг) олж байна уу гэдгээ байнга санах хэрэгтэй. Бидний жишээнд 150,000 долларын зээл авсан тул үүнийг эерэгээр тооцож харин сар бүр төлөх 1,074.65 долларын төлбөрийг сөргөөр тооцно.

Хүү

Тухайн тохиолдолд хүүгийн хэмжээг мэдэхгүй бол RATE функцийг ашиглаад хүүгийн хэмжээг олж болно.

Nper

NPER функцийг ашиглан зээлийн нийт хугацааг олж болно. Дээрх жишээний хувьд сард төлөх зээлийн төлбөр 1,074.65 доллар, зээл төлөх хугацаа 20 жил, жилийн хүү 6 хувь тул тус функцийн аргументаар дамжуулна.

Дээрх хариуг бид мэдэж байсан ч сар бүрийн төлбөрийг өөрчилбөл энэ хугацаа хэрхэн өөрчлөгдөхийг үүнээс харж болно.

Дүгнэлт: Хэрэв бид сарын төлбөрийг 2,075.65 доллар болговол зээл төлөлтийн хугацаа 90 орчим сар болж буурч байна.

Pv

PV буюу “Present Value” функцийг ашиглаж авах боломжтой зээлийн хэмжээг гаргаж болно. Жишээлбэл, сар бүр 1,074.65 доллар төлөх, 20 жилийн хугацаатай, жилийн хүү 6 хувь байх зээлийн хэмжээг энэ функцээр гаргаж болно. Гэхдээ хичээлийн эхэнд зээлийн хэмжээг тодорхойлсон тул үр дүн тодорхой байна.

Fv

FV буюу “Future Value” функцийг ашиглан зээлийг тухайн хугацаанд барагдуулж дуусах эсэхийг тооцоолно. Өөрөөр хэлбэл, сар бүр 1,074.65 долларыг 20 жилийн хугацаанд төлбөл 20 жилийн дараа төлөлтийг бүрэн дуусгаж чадах эсэхийг гаргана. Бидний жишээнд бол мэдээж дуусгана гэсэн хариу гарна.

Харин сар бүр 1,000.00 долларын төлөлт хийнэ гэж тооцвол 20 жилийн дараа бид өртэй хэвээр байна.

Зээлийн хугацааг өөрчлөн тооцох

Одоо зээлийн хугацааг өөр өөрөөр хэрхэн тооцож болох тухай энэ хэсэгт үзнэ.

1. Юуны түрүүнд сар бүр төлөх төлбөрийн хэмжээг олох ёстой. Өгөгдлийг дээрх жишээний дагуу тооцно. Өөрөөр хэлбэл, жилийн хүү 6%, зээл эргэн төлөх хугацаа 20 жил, зээлийн хэмжээ 150,000.00 доллар.

2. Дараа нь A2:D2 мужийг сонгоод доош хоёр мөр чирнэ.

3. Одоо зээл эргэн төлөлтийн хугацааг 25 болон 30 болгоё.

Үр дүн:

30 жилээр өгөхөд сарын төлбөр 899.33 доллар, 25 жилээр тооцоход сарын төлбөр 966.45 доллар болж байна.

4. Одоо “Total Paid” буюу зээл тус бүрийн эргэн төлөх нийт төлбөрийг тооцоолъё.

30 жилийн хугацаатай гэж тооцоход сарын эргэн төлөлт 899.33 доллар боловч эргэн төлөх нийт төлбөр 323,757.28 доллар болж байна. Үүнээс харахад зээлийн хугацаа уртсах тусам эргэх төлөх төлбөрийн хэмжээ ихсэх болно.

Хөрөнгө оруулалт

Энэ хэсэгт хөрөнгө оруулалтын ирээдүйн ашгийг хэрхэн тооцох тухай заах болно.

Жил бүрийн эцэст та 100 доллар хадгаламждаа хийгээд байвал 10 жилийн дараа таны хөрөнгө оруулалт хэр байх вэ? Жилийн хүү 8% гэж тооцъё.

1. FV буюу “Future Value” функцийг ашиглана.

2. Функцийн аргументуудыг оноож өгнө.

10 жилийн турш 10 * 100 доллар = 1000 доллар (сөрөг) бөгөөд 10 жилийн дараа та 1,448.66 доллар (эерэг) авна. Хүү өндөр байх тусам таны мөнгө илүү өснө.

Тэмдэглэл: Энэ функцийн сүүлийн хоёр аргументыг заавал заах албагүй. Pv заахгүй бол 0 гэж ойлгоно. “Type” заахгүй бол жилийн эцэст төлөлтийг хийнэ гэж ойлгоно.

Нийлмэл хүү

Энэ хэсэгт нийлмэл хүүг хэрхэн тооцох талаар заах болно.

1. Таныг 100 доллар банканд хадгалуулсан гэж үзье. Жилийн 8% хүүтэй бол жилийн дараа хэдэн доллартой болох вэ? Хариу 108 доллар.

2. Одоо 8 долларын хүүнээс нийлмэл хүү боддог гэж тооцвол дараа жил хэдэн доллартой болох вэ? Хариу 116.64 доллар.

3. Таван жилийн дараа хэдэн доллартой болох вэ? Тооцоолохын тулд томьёог А6 нүд хүртэл чирнэ.

Хариу 146.93 доллар.

4. Бид дээр 100 -г 1.08 -аар таван удаа үржүүлжээ. Тиймээс бид таван жилийн дараа хөрөнгө оруулалтын үнэ цэнийг шууд тооцоолж болно.

Үүнийг дараах байдлаар шийдэж болно.

Тайлбар: Эксел дээр нийлмэл хүү тооцох бэлэн функц байдаггүй. Гэвч нийлмэл хүүг тооцоолох томьёоллыг үүсгээд ашиглаж болно.

5. Та банканд 10,000 доллар хадгалуулсан гэж үзье. Жилийн 5 хувийн хүүтэйгээр 10 жил хадгалуулахад таны хөрөнгө хэд болох вэ? Нийлмэл хүү тооцно. Хариу нь 16,470 доллар.

6. Одоо дээрх жишээг өөрчлөөд 10,000 доллар хадгалуулсан гэж үзье. Хадгалуулах хугацаа 15 жил, жилийн хүү 4 хувь бөгөөд нийлмэл хүүг улирлаар тооцно. Хариу нь 18,167 доллар гарна.

Зээл төлөх хуваарь гаргах нь

1. Жилийн 5 хувийн хүүтэй, хоёр жилийн хугацаатай 20,000 долларын зээлийн сарын буцаан төлөлтийг тооцоолохдоо PMT функцийг ашиглана. Бид нүд бүрийн оролтыг нэрлэсэн байна.

2. Буцаан төлөлтийн үндсэн хэсгийг тооцоолохдоо PPMT функцийг ашиглана. Функцийн хоёрдугаар аргумент төлбөрийн дугаарыг зааж байна.

3. Буцаан төлөлтийн хүүгийн хэсгийг тооцоолохдоо IPMT функцийг ашиглана. Функцийн хоёрдугаар аргумент төлбөрийн дугаарыг заана.

4. Одоо үлдэгдлийг шинэчлэнэ.

5. A7:E7 буюу анхны төлөлтийн мужийг сонгоод доош чирнэ.

6. A8:E8 буюу хоёр дахь төлөлтийг сонгоод доош 30 мөр хүртэл чирнэ.

Дээрх жишээнд буй зээлийг 24 сард буцаан төлөх ёстой. Дээрх хүснэгтийг гаргаснаар буцаан төлөлтийн үндсэн хэсэг хэрхэн өсч, хүүгийн хэсэг хэрхэн буурч буйг анхааралтай ажиглаарай.

Элэгдэл тооцох нь

Эксел дээр элэгдэл тооцох таван функц байдаг. 10,000 долларын анхны хөрөнгө оруулалт, 1,000 долларын үлдэх үнэ цэнэ, 10 жилийн ашиглалтын хугацаа бүхий хөрөнгийн элэгдлийг тооцоолъё. Тооцоололд дараах таван төрлийн функцийг ашиглаж болно. Функц тус бүрийг тусад нь тайлбарлая.

Ихэнх эд хөрөнгө ашиглалтын хугацааны эхэнд үнэ цэнээ алддаг. Үүнийг тооцоолохдоо SYD, DB, DDB болон VDB функцуудыг ашиглана.

SLN

SLN (Straight Line буюу шулуун шугам): Жил бүр элэгдэх хэмжээг тэнцүү тооцно.

SLN функц нь дараах тооцоог гаргана. Deprecation Value буюу элэгдлийн хэмжээ = (10,000 - 1,000) / 10 = 900.00. Хэрэв энэ үнэлгээг 10 дахин хасч тооцвол 10 жилийн дотор 10,000 -аас 1000 хүртэл буурна. Дээрх графикийн доод хэсгийг анхааралтай ажиглаарай.

SYD

SYD (Жилүүдийн нийлбэрийг авах): Дараах жишээнээс харвал энэ функцэд хугацаа хэрэгтэй харж болно.

SYD функц дараах тооцооллыг гүйцэтгэнэ. 10 жилийн ашиглалтын хугацаатай хөрөнгийн жилүүдийн нийлбэр 10 + 9 + 8 + 7 + 6 + 5 + 4 + 3 + 2 + 1 = 55 болно. Хөрөнгийн алдагдал 9000 байна. Элэгдлийн хэмжээ нэг жилд = 10/55 * 9000 = 1,636.36. Элэгдлийн хэмжээ хоёр дахь жилд = 9/55 * 9000 = 1,472,73, гэх мэт. Эдгээрийг хөрөнгийн үнэ цэнээс хасвал 10 жилийн дотор 10,000 -аас 1000 болж буурч байна.

DB

DB (Declining Balance буюу үлдэгдэл бууралт) функц нь дээрх хоёрыг бодвол илүү төвөгтэй. Элэгдлийн хэмжээг тооцохдоо тогтмол хүүг тодорхойлж ашигладаг.

DB функц дараах тооцооллыг хийдэг. Тогтмол хүү = 1 - ((үлдэх өртөг (salvage) / зардал) ^ (1 /ашиглалтын хугацаа (life))) = 1 - (1000/10,000)^(1/10) = 1 - 0.7943282347 = 0.206 (мянгатын орны нарийвчлалаар авсан). Элэгдлийн хэмжээ эхний жилд = 10,000 * 0.206 = 2,060.00. Элэгдлийн хэмжээ хоёр дахь жилд = (10,000 - 2,060.00) * 0.206 = 1635.64, гэх мэт. Хэрэв үүнийг анхны хөрөнгө оруулалтын үнээс хасвал 10 жилийн дотор 10,000 -аас 995.88 хүртэл буурна.

Тайлбар: DB функцэд тав дахь аргументыг тодорхойлж болно. Энэ аргументыг тодорхойлсноор тухайн хөрөнгийг хэзээ авсныг нарийвчлан тодорхойлж болно. Хэрэв тодорхойлохгүй бол 12 гэж ойлгоно. Жишээлбэл, энэ аргументад 9 гэдэг утгыг оноовол жилийн хоёр дахь хагаст уг хөрөнгийг авч, тухайн жилдээ 9 сар ашигласан гэж үзнэ. Элэгдлийн хэмжээг тооцохдоо жилийн эхлэл, төгсгөлөөс шалтгаалж ялгаатай бодно. Хэрэв 9 гээд бичсэн бол ашиглалт арван нэг дэх жилийн эхний гурван сар хүртэл тооцогдоно.

DDB

DDB (Double Declining Balance буюу үлдэгдлийг давхар бууруулах)

DDB функц дараах тооцооллыг хийнэ. 10 жилийн ашиглалтын хугацааны үзүүлэлт 1/10 = 0.1 болно. Энэ функц үлдэгдлийг давхар бууруулж тооцох тул энэ үзүүлэлтийг хоёр дахин авна. Тэгэхээр элэгдлийн хэмжээ эхний жилд = 10,000 * 0.2 = 2,000.00. элэгдлийн хэмжээ хоёр дахь жилд = (10,000 - 2,000.00) * 0.2 = 1600.00, гэх мэт. Заримдаа энэ функцийн үр дүн гарах үлдэгдлийн өртөгт хүрдэггүй. Энэ жишээний хувьд дээрх утгуудыг анхны хөрөнгө оруулалтаас хасвал 10 жилийн дотор 10,000 -аас 1073.74 хүртэл буурна. Үүний дараах байдлаар залруулж болно.

Тайлбар: DDB функцэд тав дахь аргументыг оноож болно. Энэ аргументыг өөр хүчин зүйлд ашиглаж болно.

VDB

VDB (Variable Declaring Balance буюу үлдэгдлийг тогтмол бусаар бууруулах) функц нь DDB функцийн аргачлалыг ашигладаг. Функцийн дөрөв дэх аргументаар эхлэх хугацаа, тав дахь аргументаар дуусах хугацааг зааж өгнө.

VDB функц нь DDB функцтэй төстэй тооцооллыг хийдэг. Гэхдээ SLN (дээрх график дээрх шаргал шугам) руу шилжихийн тулд үлдэгдлийн өртөгт хүрэх эсэхийг шалгана. Элэгдлийн хэмжээ SLN -ний утгаас их бол SLN руу шилжинэ. Тухайлбал, элэгдлийн хэмжээ 8 дахь жилд DDB = 419.43 байна. Бид 2097.15 – 1000 буюу элэгдүүлэх боломжтой байна. Хэрэв SLN аргыг ашиглавал үлдсэн 3 элэгдлийн хэмжээ 1907.15 / 3 = 365.72 болно. Элэгдлийн хэмжээ, SLN -с өндөр биш тул бид шилжих шаардлагагүй. Элэгдлийн хэмжээ 9 дахь жилд DDB = 335.54. Бид 1677.72 - 1000 буюу элэгдүүлэх боломжтой байсаар байна. Хэрэв энд SLN ашиглавал үлдсэн 2 элэгдлийн хэмжээ 677.72 / 2 = 338.86 болно. Элэгдлийн хэмжээ, SLN -с өндөр тул SLN руу шилжинэ.

Тайлбар: VDB функц DDB функцээс илүү уян хатан юм. Энэ нь олон үеүдийн элэгдлийн хэмжээг тооцож болно. Энэ жишээнд VDB(Зардал, Үлдэгдлийн өртөг, Ашиглалтын хугацаа, 0,3)  нь 2000 + 1600 + 1280 = 4880 хүртэл буурна. Энэ нь 6, 7 -р нэмэлт аргументыг агуулж болно. 6 -р аргументаар нэмэлт хүчин зүйлийг тодорхойлж болно. Харин 7 -р аргументад TRUE утга оноовол SLN рүү шилжихгүй гэж ойлгоно.

Сэтгэгдэлүүд