Python Хувьсагч зарлах /Variables/

Хувьсагчийг бид өгөгдөл хадгалах сав гэж ойлгож болно.
Бусад програмчлалын хэлнээс ялгаатай нь Python-д хувьсагч зарлах команд байдаггүй.
Хувьсагчид эхний утгыг зааж өгөхөд Python хувьсагчийн төрлийг автоматаар тодорхойлдог.

x = 5
y = "Болд"
print (x)
print (y) 

Үр дүн

Хувьсагчийн төрлийг тодорхойлох шаардлагагүй

тухайн хувьсагчид олгох утгаас хамааран Python хувьсагчийн төрлийг тодорхойлж чадна.

x = 5
y = "Болд"
print (type(x))
print (type(y)) 

Үр дүн

String-д дан ' ' эсвэл давхар " " хашилтаар утга олгоно

String төрлийн хувьсагчид утга олгохдоо дан болон давхар хашилт ашиглан утга олгож болдог. Энэ нь Python-ны хувьд ижил ойлголт юм.

x = 'Цэцгээ'
y = "Болд"
print (type(x))
print (type(y)) 

Үр дүн

Хувьсагчийн нэр ба Дүрэм

Хувьсагч нь богино нэр (x ба y гэх мэт) эсвэл илүү тодорхой нэр (age, carName, niit_mashin) байж болно.
Хувьсагчийн нэр нь үсэг эсвэл доогуур зураасаар эхлэх боломжтой. (age, _name)
Хувьсагчийн нэр нь тоогоор эхэлж болохгүй.
Хувьсагчийн нэр нь үсэг-тоо тэмдэгт, доогуур зураас бүтэж болно. (A-z, 0-9 ба _)
Хувьсагчийн нэр нь том эсвэл жижгээр бичсэнийг өөр өөрөөр ойлгоно (name, Name ба NAME нь гурван өөр хувьсагч)

_name = "Золоо"
last_name = "Болд"
car = "Жижиг машин"
Car = "Дунд машин"
CAR = "Том машин"
print (_name)
print (last_name)
print (car)
print (Car) 
print (CAR)

Үр дүн

Хууль бус Хувьсагч

Python-д зөвшөөрөгдөхгүй хэлбэрээр хувьсагч зарлавал алдаа өгнө.

2name = "Болд"
my-name = "Болд"
my name = "Болд"     

Үр дүн

Олон хувьсагчид утга олгож чадна

Python нэг мөрөнд байгаа олон хувьсагчид утга олгож чадна.

x, y, z = "Нар", "Сар", "Од"
print (x)
print (y) 
print (z)

Үр дүн

Олон хувьсагчид нэг утга олгож чадна

x = y = z = "Нар"
print (x)
print (y) 
print (z)

Үр дүн

Output variables буюу Хувьсагчийн гаралтууд

Python-ний print командаар ихэвчлэн хувьсагчийн утгыг гаргахад ашигладаг.
Текстийг хувьсагчийн утгатай хослуулан гаргахын тулд Python + тэмдэгтийг ашигладаг. Нэмэх тэмдэг нь текст болон хувьсагчийн утгыг залгах үүрэг гүйцэтгэнэ.

x = "гайхамшигтай"
print ("Python бол " + x)

Үр дүн

Хувьсагч дээр String хувьсагч нэмэх

Нэмэх тэмдэг ашиглан хувьсагч дээр хувьсагч нэмж болно. Хэрэв хувьсагчийн төрөл нь String байвал утгуудыг залгаж харуулна.

x = "гайхамшигтай"
у = "Python бол "
z = y + x
print (z)

Үр дүн

Хувьсагч дээр хувьсагч нэмэх

Хувьсагчийн утгууд тоо байвал нэмэх тэмдэг математикийн оператораар ажиллана.

x = 17
у = 44
z = x + y
print (z)

Үр дүн

String төрлийн хувьсагч дээр int төрлийн хувьсагчийг нэмэхэд Python танд алдаа өгнө.

x = 5
y = "Болд"
z = x + y
print (z)

Үр дүн

Глобал хувьсагчууд

Функцээс гадна бий болсон бүх хувьсагчийг (дээрх бүх жишээг шиг) Глобал /Global/ хувьсагч гэж нэрлэдэг. Глобал хувьсагчийг функц дотроос болон функцийн гаднаас ашиглаж болно.

x = "өндөр"
def firstfunc():
    print ("Шаравжамц бол " + x)

firstfunc()

Үр дүн

Хэрэв та функц дотор ижил нэртэй хувьсагч зарлавал локал /Local/ орчинд буюу зөвхөн Функц дотор ашиглагдах болно.

x = "намхан"
def firstfunc():
    x = "өндөр"
    print ("Шаравжамц бол" + x)

firstfunc()

Үр дүн

Глобал түлхүүр үг

Функц дотор зарласан хувьсагчийг функц дотроо буюу локал орчинд ажилладаг болохыг бид мэдэж авсан. Гэвч функц дотор зарласан хувьсагчид функцийн гаднаас хандах шаардлага гардаг. Энэ тохиолдолд Global түлхүүр үгийг ашиглана.

def firstfunc():
    global x
    x = "урт"  
    
firstfunc()
print ("Шаравжамц бол " + x)

Үр дүн

Глобал орчинд зарлагдсан хувьсагчийн утгыг Global түлхүүр үгийн тусламжтай функцээс өөрчилж болно.

x = "урт"
def firstfunc():
    global x
    x = "өндөр"  

firstfunc()

print ("Шаравжамц бол" + x)

Үр дүн

Сэтгэгдэлүүд