JS Хувьсагч /Variables/

JavaScript нь өгөгдлийн утгыг хадгалах савыг хувьсагч гэдэг.

Доорх жишээнд x, y, z гэсэн гурван төрлийн сав буюу хувьсагчийг зарласан байна. Цаашид бид Хувьсагч гэдэг нэрийг ашиглах болно.

var x = 15;
var y = 18;
var z = x + y;

Дээрх жишээнд:

• x хувьсагчид 15 гэсэн утга олгож,
• y хувьсагчид 18 гэсэн утга олгож,
• z хувьсагчид 33 гэсэн утгыг тус тус олгож байна.

Алгебртай адилхан

АЛГЕБРЫН талаар ерөнхий ойлголтоо хамтдаа сэргээе.

Алгебр бол ерөнхийлөл, хийсвэрлэлийн үндсэн дээр ТЭМДЭГТЭЭР СЭТГЭХ УХААН юм.
Хаалт, үйлдлийн тэмдгээр холбогдсон, үсэг ба тооноос тогтох илэрхийллийг Алгебрын илэрхийлэл гэнэ.

ЖИШЭЭ НЬ

huu, ohin болон niit хувьсагчийг зарлаж байгаад жишээн дээр туршиж үзье.

var huu = 15;
var ohin = 18;
var niit = huu + ohin;
document.getElementById("test").innerHTML = "Нийт хүүхдийн тоо" + " " + niit;

Алгебрийн нэгэн адил програмчлалын хувьд бид хувьсагчийг илэрхийлэл болгон ашигладаг. (niit = huu + ohin).

JavaScript Тодорхойлогч /Identifiers/

JavaScript-д хувьсагчийг өвөрмөц нэрээ тодорхойлж болно.
Хувьсагчид богино нэр (x, y) эсвэл илүү тодорхой нэр (ner, nas, huis) өгч болно.

Хувьсагчид нэр өгөх дүрэм:

• Хувьсагчийн нэрс нь үсэг, тоо, доогуур зураас, долларын тэмдгийг агуулж болно.
• Хувьсагчийн нэр нь үсэг, $ болон _ -р эхэлж болно.
• Том жижиг үсгийг ялгаатай гэж авч үздэг тул (ner, Ner, NER) эдгээр нь бүгд өөр өөр хувьсагч гэсэн үг юм.
• JavaScript-н түлхүүр үгсийг хувьсагчид ашиглах боломжгүй.

Даалгаврын оператор /Assignment Operator/

JavaScript-д тэнцүү (=) тэмдэг нь "Assignment" буюу даалгаврын оператор юм. "тэнцүү" тэмдэг биш юм. Үүгээр алгебраас ялгаатай юм. Доорх жишээ нь алгебр дээр утгаггүй ойлголт юм.

x = x + 20

Дээрх жишээнд даалгаврын оператор нь x хувьсагчийн утгыг 20 -р нэмэгдүүлээд буцаад x хувьсагчид нийт утгыг олгож байна. Энэ нь алгебраас ялгаатай програмчлалын хэлний томоохон шийдлүүдийн нэг юм.

Өгөгдлийн төрөл /Data Type/

JavaScript-н хувьсагчид тоон болон текст төрлийн утга олгож болно.
програмчлалын хувьд текст төрлийн утгатай хувьсагчийг text strings гэж дууддаг.
JavaScript нь олон төрлийн өгөгдлийг зохицуулж чаддаг. Бид дараагийн хичээлээр дэлгэрэнгүй үзэх болно.
String-г " " буюу ' ' quote-д бичнэ. Харин тоог quote-гүй шууд бичнэ.
Хэрэв " " буюу ' ' quote-д тоог бичиж өгвөл string төрлийн хувьсагч гэж ойлгох болно.

Өгөгдлийн төрөл /Data Type/

JavaScript-н хувьсагчид тоон болон текст төрлийн утга олгож болно.

var butarhai = 15.54;
var buhel = 15;
var ner = 'Болд';
var ovog = "Дорж";

document.getElementById("test").innerHTML = butarhai + "<br>" + buhel + "<br>" + ner + "<br>" + ovog;

Хувьсагч үүсгэх буюу тунхаглах /Declaring (Creating)/

JavaScript дээр хувьсагч үүсгэхийг "declaring" буюу тунхаглах гэж нэрлэдэг бөгөөд var түлхүүр үгээр зарлана:

var = schoolName

Тунхагласны дараа хувьсагч ямар ч утгагүй хоосон байдаг бөгөөд үүнийг техникийн хувьд тодорхойгүй утгатай байна гэж ойлгож болно.

Хувьсагчид утга ХУВААРИЛАХ буюу бидний ярьж сурснаар ОЛГОХ-д "тэнцүү" тэмдгийг ашигладаг.

schoolName = "ШУТИС-КТМС"

Хувьсагчийг зарлаж байх үед утга олгож болно.

var schoolName = "ШУТИС-КТМС"

HTML <p> элементийг id-р нь олж хувьсагчийн утгыг дэлгэцэд гаргаж үзье.

<p id="test"></p>

<script>
var schoolName = "ШУТИС-КТМС";

document.getElementById("test").innerHTML = schoolName
</script>

Нэг мэдэгдэлд олон хувьсагч зарлах

Нэг "statment" буюу мэдэгдэлд олон хувьсагчийг таслалаар тусгаарлан зарлаж болно.

var schoolName = "ШУТИС-КТМС", student = "Болд", credit = 3.5;

Хувьсагчийг олон мөрөнд зарлаж болно.

var schoolName = "ШУТИС-КТМС", 
student = "Болд", 
credit = 3.5;

Утга тодорхойгүй /Value = Undefined/

Компьютерын програм нь хувьсагчийг анх зарлахдаа ямар нэгэн утгагүй зарладаг.
Хувьсагчийн утга нь ямар нэгэн тооцоолол хийдэг бөгөөд, хэрэглэгчийн гараас утгыг сүүлд нь авч болно.

Ямар нэгэн утаггүй зарласан хувьсагчийн утга нь "Undefined" буюу тодорхойгүй байна.

var schoolName;

Хувьсагчийг дахин зарлах

Их хэмжээний код бичих явцад, эсвэл өөр хүний програмыг цааш хөгжүүлэх шаардлага гарах үед өмнө зарласан хувьсагчийг дахин зарлах тохиолдол програмистын хувьд багагүй тохиолддог.

Гэвч javascript-д өмнөх хувьсагчийн утга хэвээр байх болно.

var schoolName = "ШУТИС-КТМС";
var schoolName;

JavaScript арифметик

+, -, *, / болон = операторуудыг ашиглан арифметик үйлдэл хийж үр дүнг хувьсагчид олгож болно.

var x = 2 + (3 * 4 + 4) / 2;
document.getElementById("test").innerHTML = x;

Текст буюу string дээр string-г нэмж болно, энэ нь нэгтгэх буюу хоёр string-г + тэмдэг ашиглан залгаж харуулж болно.

var x = "ШУТИС-КТМС" + " " + "Програм хангамж";
document.getElementById("test").innerHTML = x;

Хувьсагчид "15" гэсэн утга олговол JavaScript үүнийг тоо биш текст төрлийн хувьсагч гэж ойлгох болно.

var x = "15" + 7 + 8;
document.getElementById("test").innerHTML = x;

Хэрэв string төрлийг тоон утгын ард (7 + 8 + "15") оруулах үед үйлдлийн дарааллын дагуу эхний хоёр арифметик үйлдэл хийгдсэний дараа үр дүнг сүүлийн утгатай залгаж харуулах болно.

var x = 7 + 8 + "15";

Сэтгэгдэлүүд

Итгэл

let, const???

Dec. 18, 2020, 4:08 a.m.