JS Өгөгдлийн төрөл

JavaScript хувьсагч нь олон төрлийн хувьсагч хадгалах боломжтой: тоо, тэмдэгт, объект, ... гэх мэт.

var nas = 55;                           // Number
var ovog = "Дорж";                      // String
var x = {ner:"Болд", ovog:"Дондог"};    // Object

Өгөгдлийн төрлийн тухай ойлголт

Програмчлалын хувьд өгөгдлийн төрөл гэдэг зүйл чухал ойлголт байдаг бөгөөд хувьсагчтай ажиллахын тулд өгөгдлийн төрлийг зайлшгүй мэдэж байх шаардлагатай.

Өгөгдлийн төрлийг мэдэхгүйгээр компьютер асуудлыг аюулгүй шийдвэрлэж чадахгүй.

var x = 18 + "ШУТИС-КТМС"

18 + "ШУТИС-КТМС" нь алдаа гарах уу? эсвэл үр дүнд хүрэх үү?

Дээрх жишээ нь доорх байдалтай байна

var x = "18" + "ШУТИС-КТМС"

var x = 18 + "ШУТИС-КТМС"

var x = "ШУТИС-КТМС" + 18

JavaScript-д илэрхийллийн үйлдлийн дарааллыг зүүнээс баруунд чиглэлд гүйцэтгэдэг.

var x = 18 + 6 + "ШУТИС-КТМС"

24ШУТИС-КТМС

var x = "ШУТИС-КТМС" + 18 + 6;

ШУТИС-КТМС186

Эхний жишээнд, Үйлдлийн дарааллын дагуу 18 + 6 үйлдлийг гүйцэтгээд, гарсан үр дүн 24 + ШУТИС-КТМС үйлдлийг гүйцэтгэнэ.

Хоёр дахь жишээнд, Үйлдлийн дарааллын дагуу ШУТИС-КТМС + 18 үйлдлийг гүйцэтгээд, гарсан үр дүн ШУТИС-КТМС18 + 6 үйлдлийг гүйцэтгэнэ.

JavaScript-н төрлүүд нь динамик

Нэг хувьсагчид өөр өөр төрлийн өгөгдөл хадгалах боломжтой бөгөөд үүнийг Динамик Төрлүүдтэй гэж үздэг байна.

var x;          // х төрөл яг одоо undefined
x = 15;         // х төрөл яг одоо Number
x = "Болд";     // х төрөл яг одоо String

JavaScript String

String нь тэмдэгтээс бүрдэнэ: "Дорж овогтой Болд"

String-г qoute-д бичнэ. Qoute нь дан ' ' эсвэл давхар " " байж болно.

var schoolName1 = "МУИС";
var schoolName2 = 'ШУТИС';

Хэрэв та String-д qoute ашиглах шаардлага гарвал Qoute нь дан ' ' үед давхар " ", давхар үед дан qoute ашиглах болно.

var hariult1 = "It's my first language";
var hariult2 = "Миний дуртай дуу бол 'Маамуу нааш ир'";
var hariult3 = 'Миний дуртай хоол бол "Цуйван"';

Тоо буюу Number

JavaScript-д тоон төрлүүд нь бүгд number төрөлд хамаарна.

var x1 = 38.00;
var x2 = 38;
var x3 = 2.14;

Хэт их эсвэл хэт бага тоог шинжлэх ухааны (exponential)-г тэмдэглэгээгээр бичиж болно.

var y = 123e5;   //18200000
var z = 123e-5;  //0.00182

Үнэн эсвэл Худал буюу Booleans

Booleans нь true буюу үнэн эсвэл false буюу худал гэсэн хоёр утгын аль нэгийг буцаадаг.

var x = 8; 
var y = 8;
var z = 11;
(x == y);   //true
(x == z);   //flase

JavaScript Arrays буюу Массив

JavaScript-д массив-г [] хаалтад бичдэг

Массивийн item-ууд таслалаар тусгаарлагдана.

Доорх код нь schools нэртэй гурван items-тай массив зарласан бөгөөд items-ууд нь сургуулийн нэрийг агуулж байна.

var cars = ["МУИС","ШУТИС","АУИС"];

Массивын индекс хаяг нь 0 ээс эхэлдэг. Тэгэхлээр эхний item [0] хоёр дахь [1], ... гэх мэт байрлах болно.

JavaScript Objects буюу Объект

JavaScript-д массив-г {} хаалтад бичдэг

Объектыг name:value гэж шинж чанар болон утгыг хосоор нь бичдэг.

var schools = { schoolName : "МУИС", startDate  : 1964, color  : "саарал"};

Дээрх Жишээнд (schools) объект нь schoolName, startDate, color гэсэн гурван шинж чанартай байна.

Typeof оператор

JavaScript хувьсагчийн төрлийг typeof ашиглан олж болно.

typeof оператор нь хувьсагчийн төрлийг буцаадаг.

typeof "";           // string
typeof "Болд";       // string
typeof "Дорж Болд";  // string

typeof 0;          //number
typeof 114;        //number
typeof 1.14;       //number
typeof (33);       //number
typeof (33 + 14);  //number

Undefined

JavaScript-д хувьсагч зарлаад утга олгоогүй байх үед утга нь нь undefined буюу утга тодорхойгүй байна.

Энэ үед хувьсагчийн төрөл ч мөн адил undefined буюу төрөл тодорхойгүй байна.

var school;   //Утга тодорхойгүй, Төрөл тодорхойгүй

Аливаа хувьсагчид undefined утга олгох замаар хувьсагчийн утгыг хоосолж болно.

school = undefined;

Хоосон утга /Empty Value/

Хоосон утга нь undefined буюу тодорхойгүй гэсэн үг биш юм.

Хоосон утга нь утга болон төрлийг хоёууланг нь агуулж байна.

var school = "";  //Хоосон утга, String төрөл

Null

Javascript-д null нь хоосон буюу 0 гэсэн утгыг илэрхийлдэг.

null нь утга тодорхой, хоосон гэсэн санааг илэрхийлж байгаа тул өгөгдлийн төрөл нь object байдаг.

var school = "СУИС";
school = null;

Undefined болон Null-н ялгаа.

undefined болон null-н утга нь тэнцүү боловч төрөл нь ялгаатай байна.

undefined нь хоосон зарласан хувьсагчийн анхны утга бол, хэрэглэж байгаад дууссан гэж үзсэн үед хувьсагчид null утга олгодог байна.

typeof undefined     // undefined
typeof null          // object

null === undefined   // false
null == undefined    // true

Complex Data.

typeof оператор нь хоёр комплекс төрлийн аль нэгийг буцаах болно.

object function

object төрөлд объект, массив болон null хамаарна. Функц нь object төрөлд хамаарахгүй.

typeof {ner:'Болд', Нас:40} + "<br>" +
typeof [1,2,3] + "<br>" +
typeof null + "<br>" +
typeof function myFunc(){};

Сэтгэгдэлүүд