SQL танилцуулга
SQL нь мэдээллийн санд хандах, удирдахад зориулагдсан стандарт хэл юм.
SQL гэж юу вэ?
- SQL нь мэдээллийн баазад хандах, удирдах боломжийг олгодог
- SQL нь 1986 онд Америкийн Үндэсний Стандартын Хүрээлэнгийн (ANSI) шаардлагыг хангаж байсан бол 1987 онд Олон улсын Стандартчиллын Байгууллагын (ISO) стандартын шаардлага хангасан байна.
SQL юу хийж чадах вэ?
- SQL нь өгөгдлийн сангаас өгөгдөл авах боломжтой
- SQL нь өгөгдлийг мэдээллийн санд оруулах боломжтой
- SQL нь мэдээллийн бааз дахь бичлэгийг шинэчлэх буюу update хийх боломжтой
- SQL нь өгөгдлийг өгөгдлийн сангаас устгах боломжтой
- SQL нь шинэ мэдээллийн сан үүсгэх боломжтой
- SQL нь мэдээллийн санд шинэ хүснэгт үүсгэх боломжтой
- SQL нь мэдээллийн санд архивлах буюу хадгалах боломжтой
- SQL нь хүснэгт, процедурд хандах болон үзэх эхрийг тохируулах боломжтой
SQL хэл нь стандарт хэл юм, Гэвч...
SQL нь ANSI / ISO гэсэн стандарттай. Гэхдээ SQL хэл нь MsSQL, MySQL, ... гэх мэт өөр өөр хувилбаруудтай байдаг.
SQL нь ANSI стандартын шаардлага хагахын тулд (SELECT, UPDATE, DELETE, INSERT, WHERE, ...) гэх мэт гол гол командууд нь ижил төстэй байдаг.
Мэдээллийн сангийн SQL програмууд нь SQL стандартаас гадна өөрийн гэсэн өргөтгөлүүдтэй байдаг.
SQL-г веб сайтад ашиглаж болно
Мэдээллийн сангаас өгөгдлийг вебсайтад харуулахад дараах зүйлс хэрэг болно.
- RDBMS буюу Relational Database Management System мэдээллийн сангийн програм (жишээ нь: MS Access, SQL Server, MySQL).
- Сервер талын скрипт хэл байна. Жишээ нь Python, PHP, ASP.
- Хүссэн мэдээллээ авахын тулд SQL хэл байна.
- Мэдээж HTML/CSS -г ашиглах болно.
RDBMS
RDBMS гэж мэдээллийн сангийн менежментийн системийг хэлнэ.
RDBMS нь SQL, MS SQL Server, Oracle, MySQL, IBM DB2, SQLLite, Microsoft Access зэрэг орчин үеийн бүх мэдээллийн баазуудын үндэс суурь юм.
RDBMS дахь өгөгдлийг хүснэгт гэж нэрлэдэг. Хүснэгт нь холбогдох мэдээллийн цуглуулга бөгөөд багана, мөрөөс бүрдэнэ.
Хөрөнгө оруулалтын хүснэгтийг үзье.
SELECT * FROM Employee;
Үр дүн
| EmployeeID | FirstName | LastName | Phone | |
|---|---|---|---|---|
| 1 | Золбаяр | Жаргалсайхан | zoloo777@gmail.com | 88005487 |
| 2 | Дорж | Болд | bold@gmail.com | 88445578 |
| 3 | Гүндалай | Анхбаяр | ankhbayar@gmail.com | 88091547 |
| 4 | Баатар | Наранбулаг | naran@gmail.com | 88346578 |
| 5 | Энхбаяр | Батболд | batbold@gmail.com | 99586478 |
Хүснэгтийн багана бүрийг талбар гэж нэрлэдэг. Тэгэхлээр Employee хүснэгтийн талбарууд нь EmployeeID, FirstName, LastName, Mail, Phone-ээс бүрдэнэ. Талбар гэдэг нь хүснэгт дэх тэмдэглэл бүрийн тухай тодорхой мэдээллийг хадгалах зорилготой гэж ойлгож болно.
Мөр буюу Row, эсвэл бичлэг буюу Record гэдэг хүснэгтэнд оруулсан нийт бичлэгийг хэлнэ. Жишээлбэл, дээрх Employee хүснэгтэд 5 бичлэг байна. Бичлэг тус бүр нь хүснэгтэд хэвтээ байрлалтай байна.
Багана нь хүснэгт дэх тодорхой талбартай холбоотой бүх мэдээллийг агуулсан хүснэгтэн дэх босоо талбар юм.
Сэтгэгдэлүүд
