Тохиргоо бичилт
Тохиргоо бичилт
Орлогыг үүссэн хугацаанд нь зардлаар зохих ёсоор нь тааруулахын тулд заримдаа орлого, зардлыг хойшлуулах эсвэл хуримтлуулах шаардлагатай болдог.
- Хойшлогдсон орлогын хувьд орлого олохоос өмнө бэлэн мөнгө авдаг
- Хойшлогдсон зардлын хувьд зардлыг гарахаас өмнө төлнө
- Хуримтлагдсан орлогын хувьд орлого олсны дараа бэлэн мөнгө авдаг
- Хуримтлагдсан зардлын хувьд зардал гарсны дараа бэлэн мөнгө төлнө
Алдаа засах
Зарим тохиолдолд аж ахуйн нэгж бэлэн мөнгөний орлогыг хөрөнгө / өр төлбөрийн дансанд бүртгэх ёстой байсан тохиолдолд орлого / зарлагын дансанд бүртгэж болно. Энэ тохиолдолд санхүүгийн тайлан нь нягтлан бодох бүртгэлийн аккруэл суурийн дагуу байгаа эсэхийг баталгаажуулахын тулд тохируулга хийх шаардлагатай байж болно
Тохиргоо бичилтийн шинж чанарууд
- Шалгах баланс дах орлого, зардлын дансдын үлдэгдэл өөрчлөгдөнө
- Шалгах баланс дах хөрөнгө болон өр төлбөрийн дансдын үлдэгдэл өөрчлөгдөнө
- Мөнгөн хөрөнгийн дансанд тохиргоо бичилт хэзээ ч хийдэггүй
- Тохиргоо бичилтийг тайлант хугацааны эцэст хийдэг
ААН нь ихэвчлэн нэгээс дээш тайлангийн хугацааны туршид үр дүнгээ өгөх зардлууд гаргаж байдаг. Эдгээр нь бүгд хөрөнгийн дансад хамаарах ба тайлангийн хугацааны эцэст тухайн тайлангийн хугацаанд хамаарах зардлын дүнгээр хөрөнгийн данснаас зардлын дансруу бичдэг. Хойшлогдсон зардалд Түрээсийн урьдчилгаа, даатгалын урьдчилгаа болон хангамжийн зүйлс орно.
Жишээ нь
1. Мөрөн компани нь 2 сарын түрээсийн төлбөр болох 8000₮ төлсөн байна.
Түрээсийн зардал 4000
Түрээсийн урьд 4000
2. Компани нь 1 жилийн даатгалын төлбөр болох 4800₮ төлөв. 4800/12сар=400
Даатгалын зардал 400
Даатгалын урьд 400
3. Сарын эхэнд компани нь материал болон хангамжийн зүйлс авсан. Заримыг нь хэсэг хэсгээр үйл ажиллагаандаа ашиглах тул сарын эцсийн тооллого хийхэд хэдий хэмжээний материал болон хангамжийн зүйлс ашигласныг мэдэж болно. Сарын эхэнд 16000₮ материал, 8000₮ хангамж, тооллогоор 6000₮ материал, 2000₮ хангамж байв. Үүнээс үзэхэд 10000₮ материал болон 6000₮ хагамжийн зүйлс хэрэглэсэн.
Материалын зардал 10000
Материал 10000
Хангамжийн зардал 6000
Хангамжийн зүйлс 6000
Хоёр болон түүнээс дээш тайлангийн хугацаанд хамаарах орлого
Хэрвээ орлого нь үйлчилгээг үзүүлээгүй байхад урьдчилан орж ирвэл ААН нь ирээдүйд үйлчилгээг үзүүлэх үүргийг хүлээдэг. Урьд.орсон орлого /УОО/ данс нь өр төлбөрийн дансанд хамаарна.
4. Мөрөн компани нь 1 сарын 15нд сурталчилгаа хийж өгөхөөр 10000₮ авав. Сарын эцэст уг захиалгын 2500₮ тэнцэх ажлыг гүйцэтгэв.
Мөнгөн хөрөнгө 10000
Урьд.орсон орлого 10000
Урьд.орсон орлого 2500
Үйлчилгээний орлого 2500
Бүртгэгдээгүй орлогыг тодорхойлох
Тухан тайлант хугацаанд гүйцэтгэсэн боловч төлбөр нь дараагийн тайлант хугацаанд хийгдэх бүртгэгдээгүй байгаа ажлын хөлс орлогыг хэлнэ.
5. Мөрөн компани нь 1 сарын 20нд сурталчилгаа хийж өгөхөөр өөр компанитай гэрээ хийж, төлбөрийг ажлаа хийж дууссаны дараа авахаар тохиролцов. Сарын эцэст уг гэрээт ажлын 2000₮ хийж дууссан байв. Хэдий энэ сардаа хүлээн аваагүй ч тайлангийн хугацааны орлогод хамаарах ёстой.
Хуримтлагдсан авлага 2000
Үйлчилгээний орлого 2000
Бүртгэгдээгүй зардлыг тодорхойлох
Тухайн тайлангийн хугацаанд гарсан боловч төлбөрийг дараагийн тайлангийн хугацаанд төлж болох бүртгэгдээгүй зардлыг тооцоологдсон зардал гэж нэрлэдэг. Энэ тохиоллдолд хүүгийн зардал, татвар, цалингийн зардал дээр гарч болдог.
6. Мөрөн компани нь ажилчдын цалинг 2 долоо хоногт нэг удаа олгодог.
1-р сарын каледараар 29,30,31-ын өдрийн цалинг дараа сард тавьж олгоно. 3 өдрийн цалинг тооцвол 1800₮ болох бөгөөд өдрөөр харвал дараа сард тооцох ёстой боловч энэ нь уг сарын цалингийн зардалд хамаарах ёстой.
Цалингийн зардал 1800
Цалингийн өглөг 1800
