Workbook буюу Эксел файл
Экселийн файлыг Workbook гэж нэрлэдэг. Эксел дээр шинээр файл үүсгэхийн тулд Эксел программаа ажиллуулаад Blank workbook гэсэн нүдийг сонгоно.
Өмнө нь хадгалсан файлыг нээх
Өмнө нь хадгалсан Эксел файлаа нээхийн тулд дараах үйлдлийг гүйцэтгээрэй.
1. Дэлгэцний зүүн дээд буланд байрлах File цэсийг дараад Open буюу Нээх нүд дээр дарна.
2. Ингэхэд хамгийн сүүлд ажиллаж байсан файлуудын жагсаалт танд харагдах бөгөөд энэ жагсаалтаас хэрэгтэй файлаа сонгож болно.
3. Хэрэв энэ жагсаалтад хэрэгтэй файл чинь байхгүй бол Хайх буюу Browse нүд дээр дарна.
Эксел файлыг хаах
Эксел файл буюу Workbook-г Эксел программтай хамт хаахын тулд дэлгэцний баруун дээд буланд байрлах Х товч дээр дарна. Хэрэв хэд хэдэн Эксел файл зэрэг нээсэн бол Х товчийг дарахад тухайн идэвхтэй байгаа файл хаагдана.
Шинээр файл үүсгэх
Шинээр Эксел файл үүсгэхийн тулд дараах үйлдлийг гүйцэтгээрэй.
1. Дэлгэцний зүүн дээд буланд байрлах File цэс дээр дараад New буюу шинээр файл үүсгэх нүд дээр дар.
2. Blank workbook буюу хоосон файл гэсэн нүдийг сонгоно.
Эхлэх дэлгэцийг хаах
Эксел программыг нээхэд дэлгэц дээр сүүлд нээгдсэн файлын жагсаалт, мөн файлын загвар бүхий цонх харагддаг. Программыг нээхэд энэхүү эхлэх дэлгэцийг харуулахгүйгээр автоматаар шууд хоосон файлаар эхлүүлдэг болохыг хүсвэл дараах алхамуудыг гүйцэтгээрэй.
1. File цэс дээр дараад Options нүдийг сонго.
2. 'Show the Start screen when this application starts' буюу ‘Програм эхлэхэд Эхлэх дэлгэцийг харуулах’ гэсэн мөрний өмнөх чагтыг арилгана.
3. OK товчийг дарна.
Сэтгэгдэлүүд
